5/2023 #純粹獨遊 ：04的富士山 🌅

IG: hikingice 獨遊唔係一件任性既事，但獨遊期間既你可以好任性。獨遊係一個無束無縛既體驗：你只需要對自己負責，呢種感覺好正。 以前同人外遊，總要遷就別人，一係有拗撬，一係睇唔夠想睇既野，一係要犧牲睇野既時間食野。最慘係有啲人唔肯同你分開行⋯ 好多人年少時都會去過遊學團/交流團/做交換生等，自然有機會同一啲未必稱得上朋友既同學/團友去玩。呢啲旅伴關係真係幾尷尬，哪怕番香港之後可以唔再見，喺外地果陣都始終會見。所以再年輕都好，仍然會留一點面子同後路比自己。 - 去到旅程既第三日，我誓要唔好再太不在乎，否則真係會去完九日都一事無成咁。所以前一晚，我好認真咁喺宿睇晒地圖，嘗試睇清楚有咩景點想去、喺邊、要點去同有咩影等等。最低限度，我張¥9340既周遊劵要回到本先：我係回到既。 - 上網見富士山日出非常優美；日出後既逆富士倒影更係必看。果排既日出時間係清晨4時多，我較左5點鐘鬧鐘打算起到身就隨緣睇。點知我4點幾就自然醒左，二話不說著左件褸就出左去大石公園睇富士山既變化。 我喺短短既半小時入面感受到富士山既跳脫，佢總會喺雲海中彈出彈入，再一次呼應我之前講過「once in a lifetime」既課題。我去番前一日去過既三個攝影位⋯ 富士山真係好靚。可以望到呢個景，真係住入啲都值 🥰 - 出發前確實擔心過年齡大左幾年，會唔夠體力同精神面對個旅行，畢竟我既旅遊模式自問輕鬆，但唔係人人頂得住。但經驗再一次話我知：「you are stronger than you think」🔥 我冇諗過繼2016花蓮太平洋日出之後，我可以再一次喺外地，獨個兒睇清晨時分既日出，好美 🤟🏽 - 寫於 20230608 攝於 20230522 0440-0450 - #hikingice #純粹獨遊 #純粹獨遊東京 #日本 #東京 #獨遊 #獨遊記 #純粹之旅 #富士山 #河口湖 #大石公園 #japan #tokyo #solotravel #discoverjapan #discovertokyo #fujisan #mountfuji #日本靚景